Apr 30, 2010

Oh! إنّه شاطئ!

منذ فترة وأنا أستمع إلى برامج الراديو الصباحية في طريقي إلى العمل يومياً، أحد المواضيع التي تكرّرت أكثر من مرة كان موضوع البحر الميت والشاطئ "العام"، أسعار تذاكر الدخول للمواطن الأردني وأسعار الخدمات، وقنينة المي اللي بدينار... وهيك، لقاءات مع مسؤلين تعد المواطنين بشاطئ نظيف وجميل مقابل مبلغ زهيد، خبر في الجريدة بعد أكم يوم عن نفس الموضوع.. ومازال أطفال أبو محمد ينتظرون الفرج... مجهّزين الفرشات والحصيرة والمنقل والفحمات والفطبول ومضارب الريشة الطائرة (بالمناسبة عائلة أبو محمد تعتبر عائلة من الطبقى الوسطى المرفّهة التي تمارس لعبة الريشة الطائرة)، كل اللي ناقصهم يفتتحو هالشاطئ الجديد عشان يطلعو -أو ينزلو- رحلة عالبحر الميّت.0


في هذه الأثناء، كان في مشروع ثاني بالبحر الميّت برضو سمعت عنه كثيراً مؤخراً، وسمعت عن افتتاحه أكثر،أوه بيتش، أحدث المشاريع الاستثمارية في البحر الميّت، الذي يجيء ليعطي هواة التشمّس خياراً جديداً ويخفف عنهم الضغط النفسي الناتج عن النزول في أحد فنادق الخمس نجوم والمنتجعات الفارهة الأخرى التي أصبحت مملة وقديمة وكِخّة

أنا لا يزعجني أن يستمتع أي شخص بوقته بالطريقة التي يفضلها، لكن شرفيّاً بعرفش ليش بس أسمع عن مشروع مثل أوه بيتش لا أرى فيه أي جانب مشرق، وكل ما أفكّر به هو أبو محمّد وعياله وكيف ينظرون إلى اللوحات الإعلانية الخاصة به المعلقة في الشوارع...0

ظُبّو هالفرشات يا ولاد! بتقدرو تلعبو ريشة بالصالون.0
http://naserz.blogspot.com

5 comments:

حمزة الشعراوي said...

مهو لأبو محمد بيته و حوشه
ولشط أوه أناس تذهب إليه
هي فارقة مع اللي خلفهم ابو محمد عاش ولا ما عاشش اصلا ؟!؟

sheeshany said...

كل واحد يشطّط على قدّ لحافه و الله معوش هاي خزّان الميه عالسطح بستنّااااااااااه

Rula A. said...

اوكي احنا عقليتنا إطورت شوي.. بس هادا أبداً ما حيزبط النا.. شكلو معمول للغير عرب الموجودين بالأردن..

NasEr said...

Sha3rawi
That's beside the point, yes some ppl do give a shit, the same ppl who go to those places, imagine? i think u miss read the post my friend.

Haitham
هاد إزا مش مقطوعة المي!
أهلا بك.

Rula
that's not what I'm saying or trying to say, I don't totally agree with u though :)

Rula A. said...

أنا عارفه إنو مو هيك قصدك.. أنا بحكي رأيي بهادا الموضوع..
يعني حتى لو سوه لطبقة معينة من الناس إلي همه متطورين كفاية ليتصرف وفق هادا المكان.. هيه سنتين بالكتير.. يعني زي الديونز أول مافتح كان الإشتراك تاعو محدد لناس معينين وكتير غالي.. هلأ لأ.. الصيف إلي راح كان معبى حفرتل!!!

Post a Comment