Mar 12, 2010

B4JD (Blog for Jordan Day) مجلس النواب - إلى متى هذه الظاهرة؟



المهم،  في السنة الماضية كتبت عن أكتر 10 أشياء مزعجة مشتاقلها بالأردن، الحمد لله هيني شبعت منهم، بس للصراحة لساتني مستمتع فيهم -بمعظمهم-، بس المرّة كوني رجعت مواطن أردني عايش بالبلد في موضوع ضارب على عصبي.. إسمو مجلس النواب والانتخابات، حدا منتبه إنو البلد قاعدة بدون مجلس نواب؟ أكيد لأ، ليش؟ لإنو فيه ولا بلاه الوضع زي ما هو، بل إنو بدون مجلس نواب شايف الوضع ألطف والله، عالأقل الواحد بلوم الحكومة وبس، مش "ممثلينه الشرعيين في دوائر صنع القرار ومراقبته"، يعني أنا بقترح إنو بلا من مجلس النواب كله، حدا يعطيني سبب واحد مقنع ليش لازم يكون في مجلس نواب، شعب جوعان ورح يصوّت للي بدفعلو، وشعب عشائري رح يصوّت لقريبه وصاحبه، لا في انتخابات بتنتج ممثلين حقيقيين عن الشعب ولا يحزنون، بجوز 1%، بجوز! فليش سمّة البدن؟
وبالمناسبة لهاي اللحظة مش عارف لازم أشارك بالانتخابات الجاية ولا لازم أحرم المرشحين صوتي تعبيراً عن امتعاظي وعدم ثقتي (بالمجلس) مش بالحكومة... يعني مرّات بتأمّل هيك وانا قاعد في مكان عالي كاشف عمّان.. إنو مش حرام؟ وبحاول ألاقي جواب للسؤال المصيري: "إلى متى هذه الظاهرة" بس بلاقيش جواب.. هو الغلط بالناس، هو القانون.. هو الغلط بمين وليش بعرفش، كل اللي بعرفو إني متأكد 10000% من شغلة وحدة بس: 
 أنا الموقع أدناه: أحجب الثقة
نااااصر
http://naserz.blogspot.com

6 comments:

Shaheen said...

1- we will save their salaries and cars allowance.

2- No bribes for them.

3- More fair and competitive workforce market, since we are missing 110 was6a.

Rula A. said...

ناصر هادا رأيك فا إنت حر وحقك تسوي إلي بدك إياه :)
w inshall things will be better..

sfo said...

يا راجل
شو هالرجعية تبعتك هاي
طبعاً مجلس النواب ضروري
وجداً كمان

أقل ما فيها عشان نظرة الغرب لإلنا
إنو عندنا ديموجراطيّه

jafra said...

العيب مش بفكرة مجلس النواب
العيب بطريقة اختيارنا الهم
ما هي الديموقراطية ما بتنفع مع العشائرية و المحسوبية و حتى تعصب لاي اتجاه

انا بحكيلك المشكلة تراكمات
فينا

3bs said...

naser basha 7okometna weslat le 7ad el eflas they don't want them to save some bribes money

NasEr said...

First of all, sorry for the very belated replies

Shaheen
I think what you said is brilliant! I'd vote for you if you ran for Parliament :D

Rula
Okay, thanks for the reassurance

sfo
ديمجراطية ... ونص
zakkartne bmasra7eyyet Hisham w Nabil

Jafra
The apple doesn't fall far from the tree. enough said

3bs
Ma3en basha, so they're channeling all the bribes into one channel instead of two? that's brilliant !

Post a Comment