Aug 31, 2010

نظرية الشحدة



مشان الله تقرأني، الله يخليك لإمك تكبس علي وتقرأني مشااااااااااااااااااان الله.. والله مش لاقي حد يعبّرني مششششششششششششششااااااااااااااااااااااااااااااااااااان الله تقرأوني يا جماعة الخير *يلطم النص على وجهه*، *عيون محمرّة مغرورقة بالدموع*... مشان الله الله يخلّيك اقرأني يا ياـ اتركلي تعليق تحت والله الحال على الله، بمناسبة ذكر الله: مشاااااااان الله مشاااااااااااان الله! *تطليعة الكلب الحزين* تعليق واحد بس طيب.. بعطيك علكة أنا ما بشحد *دمعة* مشاااااان الله!
يمكن هاي المرة الأولى اللي ما بتمنا أشوف فيها ولا تعليق! بس مع الأسف أسلوب الشحادين هذا واضح إنو بجيب نتيجة... كثير من أصدقائي بعد فترة من الاستماع الإجباري لموشح الشحاد/ الشحادة يخرجون بعضاً من النقود الفراطة ويكافؤون الشحاد بها على مثابرته! ودائماً نفس النقاش:
ولك ليش تعطيه؟ - حرام يا زلمة خلص
ولك ليش تعطيها؟- حرام يا زلمة مرة مسكينة
ولك ليش تعطيه؟ - ولك إنتا حيوان إنتا؟ مش شايفو/ شايفو ولد زغير؟ حرام
أي حرارة اللي اتطسكم يا أصدقائي يا حبايبي معلش اسمحولي فيها! أنا مستحيل أعطي شحاد شلن إلا في حالة وحدة، إذا كانت امرأة عجوز (كاتّه) بلاها الزمن بأولاد ومجتمع قميء بيضطرها لإنها تطلع تشحد.. غير هيك ولا يمكن! لعدة أسباب بسيطة
1)   في حال كان رجل/ شاب: اللي معطيه حيل يلف بين السيارات وتحت الشمس وضو القمر وبين الباصات والسرافيس عشان يسمعك الموشح تبعو، بيعطي حيل يشتغل! بس هو ما بدو! خاصة الشباب هذول الموضة الجديدة! شب طويل عريض فش فيه ولا علّه! قال بشحد وبعملّك بعنيه حزايني!!! ليش تعطيه؟ كل ما تعطيه شلن إعرف إنك بتعطيه 100 سبب إنو يرجع للشحدة بكرة ويضل عالة علي وعليك وعالبلد.
2)   في حال كانت امرأة/ فتاة: نفس القصة! لسا هدول بجلطوني بزيادة لإنو مسكنة النسوان غير وتأثيرها فعال أكثر! يخرب بيتك بيت ما تروحي تشتغلي أي شغلة نضيفة وتعيشي بكرامتك! ليش الشحدة؟؟؟ الجواب هو الشلن اللي بتطلّعو وبتعطيها اياه، كل واحد بيعطي شلن لشحاد أو شحادة بحكيلو: إوعا اتعّب حالك، هيك موفية معك أكثر، لليش تتعب وتشتغل زيّنا؟ هيّك ما انتا تعبان أصلاً، حقك تاخذ هالشلن! تعال بكرة بعطيك أكثر شوي.
3)   في حال كان طفل/ طفلة: وهاي الطامّة الكبرى بالنسبة إلي! الناس بيعطو الأطفال من حسن نية، مفكرين حالهم بساعدوهم... وأنا ما بلومهم عمشاعرهم، بلومهم على تسرعهم وقصر تفكيرهم وعدم تفكيرهم بمصلحة هذا الطفل، اللي كل ما رح يرجع عالبيت عند أخو القحبة اللي باعتو (أبو، أخو، العرص الكبير العامل عصابة شحدة، الخ) كل ما رح يرجع لعندو رح يقول والله هيو الولد "شاطر" وبجيب! وبرجع ببعثو اليوم الثاني وهكذا... يعني منّك ومن الشلن تبعك! لا ساعدت الولد ولا سخماط! الولد فش بإيدو إِشي يعملو! وفش ولد طبيعي بستمتع بهيك شغلة، بس الموضوع ماشي مع القرن اللي مشغله (مع الشكر الجزيل للشلن تبعك!)، فليش ما يرجع يبعتو؟
مشااااااااان الله ما تعطو شحادين مصاري، مشاااان الله! اللي بدو يتبرع بمصاري يحكيلي، في خيمة رمضانية للأيتام، وفي مبادرات أهلية كثير بتساعد الأطفال هدول وعائلاتهم، بإنها بتساعدهم على تأمين عمل لرب الأسرة أو الأم مثلا، أو على إنها تأمن قسط الأولاد بالمدارس إذا أهلهم ما بيقدرو، بإنهم يأمنولهم كتب أو مستلزمات أساسية ليقدرو يعيش منها... بس هاي مش شحدة وتشحيد، هاي مجتمع بساعد بعضه بالطريقة الصح، أنا بمدلك إيدي لما تحتاجني عشان توقف على رجليك، مش كل يوم أطعميك لقمة وإنتا قاعد متربع ومبسوط.


مشاااااااان الله تقتنع وتحكي لصحابك المرة الجاي :((( يا يا .. الله يجوزك ويخليلك أهلك مشان الله :(
----
ملاحظة: ما لقيت ولا صورة لشحاد بالأردن! فش عنا شحادين إحنا.. ما عاذ الله!
http://naserz.blogspot.com

22 comments:

sheeshany said...

مشان الله
approve my comment
دخيلك
بعرظ البسس

lol

ya zalameh eshi jad byojlo6!

H.

aya said...

CALL this number to report beggar 0796529909 .

LioneSS said...

السنه الماضيه قرأت خبر باحدى الصحف الاماراتيه ان الشحادين اللي بنمسكوا في الامارات اغلبهم بكونوا جايين فيزا سياحيه عشان يشحدوا في شهر رمضان، و ان المبالغ اللي بطلعوها من الشحدة بتغطي تذكرة سفرهم مع الاقامة مع كافة المصاريف بالاضافة للربح اللي برجعوا فيه لبلدهم !!!

و احنا لسا بنعطيهم و بنشجعهم! الله المستعان

Moh'd Jarrar. said...

ذكرتني مرة طلعت حجة تشحد واحنا قاعدين بالباص

لله يا محسنين
ساعدوني
ابصر ايش

ولا حدا معبرها ولا متطلع فيها

وصلت جهتي
انا من هبلي , قلتلها الله ييسرلك يا حجة

كشرّت مرة وحدة وقعدت تصيح عالباص كله

"
الله ييسرلي؟؟؟؟؟

الله لا يوفقكم
الله يشل املكم
الله ... الخ الخ الخ
"

فا من يومها صار عندي شحدة فوبيا

:S

لبنــــــــــى said...

ضحكتني على هالصبح يا ناصر
انا بصراحة ما بقدر اقول لا ابدا و خاصة لو كان طفل صغير
بحس العالم كلو داق هيك طبع عاطل شو اعمل مع اني بايدك بكتير من اللي قلتوا بس
بردوا وين المؤسسات الاهلية
وين الحكومة
و وين الجمعيات الخيرية
وين العالم الغنية اللي بتشوفها بتشفط بسياراتها ليل و نهار
وين الشرطة و ليش ما يعتقلوا الاب اللي عامل هيك بولادوا او مرتوا ؟ و هاي اهم نقطة
وين الف شي و الف شي
بس اقتراحك معقول
و حلو

نيسآان said...

الله يفتحها بوجهك وييسرلك امورك وينصرك على من يعاديك....يا رب

انا بشوف المدامات الشحادات كل وحده منهن نازله من تكسي عشان تلحق تحجز موقع استراتيجي على باب الجامع وفي موديل جديد هلا...الشحده هاي كلاس...شحاده بكامل اناقتها وببالطو جديد وشال مرتب وسنحه بيضاء مش محروقه من الشمس توحيلك انها بنت عيله محترمه وانما جار عليها الزمن

sharar said...

صراحه مش عارف شو احكي
بس هذه مسؤولية المؤسسات الاهليه احنا عندنا بفلسطين بيكون الشحاد حامل تقرير طبي

hamede said...

الله يجعل جوزك يجوز عليكي إذا ما تعطيني ( شحادة في وسط البلد تحكي مع إمرأة في الشارع )

العلم نور said...
This comment has been removed by a blog administrator.
NasEr said...

@Haitham

I don't approve comments before posting man! فريدم أوف إكسبرشن أبلايد

@aya
do you think anyone would just call cuz u said so? who's this number for? elaborate a lil more!!
and welcome to smokes blow.

@Lioness
LOL are u serious? sounds like a good summer plan :p plz if u saw me in your neighborhood pretend u dnt know me n just give me the damn money :D

@Lunar
lol@ شحدة فوبيا! lol
yea, they show the other face sometimes, bas el mohem el phobia ma t5alleek tseer ta3te 3al tal3a wel nazleh!

@Jafra
أيوااا.. أنا معك، وين كل هدول!؟ مبدأياً إحنا (الناس العاديين) بنشكل نسبة كبيرة من اللي سألتي عنهم، إزا إحنا بطلنا نعطي الشحادين وحاولنا (وبنلاقي صدقيني) طرق تانية لنساعد المحتاجين بنكون حلينا نص المشكلة، والناس ممكن يأثروا على الحكومات والمسؤولين مرات، حتى لو من باب تحسين صورتهم العامة ممكن يساعدونا، فإنتي ابدأي بنفسك وسيبك من الباقي، المهم إنك ما تزيدي الطين بلة، خاصة مع الزغار!!! والله بتإذيهم أكتر ما بتساعديهم!!!

@nissan
والله السنة أنا ملاحظ أكتر من أسلوب جديد، الأسلوب الصامت، الأسلوب المتقوقع في زاوية وحدة 24 ساعة، أسلوب كب العلكة عالأرض، أسلوب .... بدهم تدوينة لحال هدول!
أهلا بك في المدونة

@sharar
هاي قصة التقرير الطبي زماااااااااااان بطلت موضتها من عنا، كل حدا صار يحمل تقرير مزور عالفوتوشوب ويدور.. المؤسسات عليها دور والمواطنين عليهم دور

@hamede
lol :D
yemken nefs-ha w mona 3ainha te5las men jozha aslan :DD

@أم الخلود
عدي للعشرة لإني فاقعك بلوك، لإنك أزنخ من الشحادين ودبقة أكتر منهم!شو قلة هالحيا!

NasEr said...
This comment has been removed by the author.
NasEr said...
This comment has been removed by the author.
Finalway said...

والله يا ناصر الشحادين ما شاء الله في رمضان حدث ولا حرج
قام باب الجوامع مبسطين من الصبح لاخر النهار ... واميد غلة كبيرة من تحت راس الناس الي بتشحدهم ...

والله اشي مقرف وخاص الناس الي بتصيح و بتلطم ... في احد المرات وحدة دخلت و تصيح و تمسك بالزلام من اواعيهم .. و تشد فيهم ودخيل عرضك ..يستر على ولاياك و مش عارف شو ..انا انصعقت .. يعني الوقاحة بالعقل مش هيك ..
بدهم كسر راس...

المفروض المسؤولين و الا الاجزة الامنية تلعن سنسفيلهم .. وتحرمهم هاي العادة ...

والحق علي بعطيهم عين ..
المستور والي بجد محتاج في الف طريق لمساعدتهم ... والناس صدقاً فيها الخير لانو ان خليت بليت ,,,
و بعرف ناس مستعدين يساعدوا ولكن الي في داء ما بيبطلوا...

وبعين الله ...

Rula A. said...

تسلم إيدك يا ناصر على هالإدراج..
أنا زيك هيك مبدأي مستحيل أعطي شحاد أي قرش للأسباب إلي ذكرتها..
الناس إلي بستاهلو المساعده في كتير طرق إنو الواحد يوصللهم..
-مؤسسة الحسين للسرطان
-صندوق الأمان
هدول لقيتهم موجودين ب سيفوي المطار والسيتي مول

NasEr said...

@Final Way
يا عيني عليك، هاي كانت ببالي بس نسيت أكتبها، الناس المحتاجة اللي تعودنا نسميهم "عائلات مستورة" ما بطلعو بالشوارع وبمسكو فيك تعطيهم خاوة

@Rula
Thanks for sharing the info :)

sheeshany said...

It was meant as a joke Naser :S , lol

H.

Unknown said...

hehehe okay naser i liked that way of begging b awwal el article .. safanet batala3 ba2ooll what is he aiming for?
hehe then i got ya ..
me like that alot ,,, and yes ... i remember fi sha7ad 3end esharat 3end el dor el manthoor .. kol yom byoo2af o 3en alla 3leh labes o metlabbes o bejo besh7ad o ana kol yom bamor mn hnak :D o kol yom be7ejjeh jdeedeh .. o huweh 7amel 3elbet 3elkeh rabbona allah .. bs 3atabak 3lli betool 7abbeh menha .. hay osool el le3beh ..
eshe be5zi wallahi .. o jd mnshan alla shoofoolkom 7ad mestahel el tabrro3 msh 7ad ma byestahal o sha77ad ,,,
Good luck Naser

Anonymous said...

fi sha7ad sgheer kteer amour wa mu7taram, kul yom billeil bikoon wa2ef 3ind isharet mustashfa il jam3a, ma ba2dar ma a3ti ishi, aya ishi.. akher shi seret ajiblo sandweesheh wa toffa7a.. nbasat walla wa ana rayya7et dameeri...

balki insan mu7taj 3am botlob minnak? keef ti3raf?

insa il sha7t wil sha7ta illi 3am bish7adoo, iza ana ba2dar ashtaghel zay il 7aywaneh lal sa3a 9 pm kol yom akeed hommeh kaman bi2daro!

NasEr said...

@haitham
oh ok :D silly me :D

@Farah
I live right around that traffic light!! and the dude constantly 3nd el eshara elle ba3ed Kaluti mosque is the one who actually trigged this post after I had a "little" talk with him a while ago! mesh tabee3i sho benarfezni!! w 5assatan 3lbet el 3elkeh elle ma3o ://////

@ blabbrgirl
As a clearly said, I very much respect these humane feelings, but again I ask the simple question: are you doing more harm or good to this boy when you keep giving him stuff?

العاب said...

والله المحتاج الحقيقي بيعرف يلقى لقمته بدون الشحدة لكن هم اتعودو عليها

areej said...

الشحده طبع مو حاجه لأنه كل الناس محتاجه بتفاوت

NasEr said...

@العاب + @areej
I agree

Post a Comment