Nov 29, 2009

على جفرا السلام






و أتحدث هنا عن مقهى جفرا في وسط البلد، كان الزمان وكان في مقهى جديد إسمو جفرا بوسط البلد، مكان هادئ ولطيف و"غير"، وعلى حائطه وأنت تصعد الدرج لتدخله خارطة الوطن العربي باللون الأسود وعلى جدرانه من الداخل بعض كاركتيرات لناجي العلي وصور بالأبيض والأسود لأعلام عرفت منهم البعض وشعرت بالسوء لعدم معرفتي بباقيهم، وكانت دائماً فيروز ودائماً ماجدة الرومي ودائماٌ تلك الموسيقى التي تقصدها عبارة "الموسيقى غذاء الروح" متواجدة، وأحياناً كانت هناك قراءات شعرية أذكر منها أمسية جميلة للوركا بالإيطالية وبالتزامن لوركا بالعربية...و يعني... كنت دائماً أستخدم هذا المكان كدلالة على أنّ أيّ مكان يُفرز رواده بدون داع لتعليق ملصقات مثل "للعائلات فقط" أو غيرها من "القوانين" المتخلفة التي تفرضها إدارات المقاهي والمجمعات التجارية في عمّان لتضبط زوارها. 
اليوم رحت على جفرا مع صديقي حوالي العاشرة ليلاً عشان "نروّق"! كونه الناس بالشوارع زي النمل وعمّان صاخبة في هذه الأيام... ويا ريتنا ما رحنا !!! سمّة بدن من الطراز الرفيع ! يعني بتفهّم إنو مكان ما يتحوّل لمكان "تجاري بحت" كونه أولاً وأخيراُ مكان هدفه ربحي بس مش هيك ! المشهد فعلاً كان سمّة بدن، دوشة ومجموعات من الشباب و -المصيبة- العائلات اللي جالسين كأنهم في نادي ليلي (مع إني ما دخلت نوادي ليلية بعمان بس بتخيلها هيك) أو خلينا نحكي زي هالمحلات "العائلية" اللي أنا بصنفها "سيمي نادي ليلي" نص نص يعني، الأخ الفنان بعزف عالعود...صوت العود مبدأياً ما كان حلو،بس مش مشكلة عادي، بغنّي أغاني شغل حفلات ...مش عارف كيف أوصفها ... المفروض إنها أغاني أصيلة وطرب والخ ، بس لا الطريقة اللي تغنّت فيها كان فيها أصل ولا يحزنون، يمكن تأثراً بموسم الذبايح قام الأخ "الفنّان" بنحر مجموعة الأغاني هاي تقرّباً للجمهور ،وقد فعل الصراحة ، الجمهور عاوز كده 100% ، هيك جمهور بدو هيك فنّان الصراحة، اللي بغنّي بصوت عالي مع الأخ الفنان واللي بأشرلو "روح روح روح أيواااا" واللي كمشة شباب بتمايلو (على أساس برقصو بس و همي قاعدين) زي كأنهم بالكرسي الأخير برحلة المدرسة، وخود لمّا الأخ الفنان يصدح بصوته الصداح آخر كلمة من الأغنية ويفيع، خود الجمهور السمّيع كيف بتفاعل معو...طعّة وقايمة! لا و "عيدها عيدها" ويعني إشي مُفرح للغاية! أنا ما كنتش مصدق عيوني...مش طبيعي ! اللي بجلطك إنو الأخ الفنان قاعد بغني على منصة وفوق منه صورة لمارسيل خليفة كأنّه يتحدث مع عوده، وفوقها صورة سيد مكاوي، يعني وكأنّو القائمين على المكان بحكولك "معلش...شو ما شفت هون مش مشكلة لا تفكر إنو إحنا خطنا كتير بعيد عن هدول الناس! إنتا يمكن فاهم غلط" ، فعلاً حسيت بإهانة لهدول الناس اللي صورها معلقة على الجدران يكونو في مثل هيك جو...إشي مهزلة! 
و وقف الأخ الفنان ياخد إستراحة... وإذ بنا نسمع تميم البرغوثي يُلقي قصيدة "في القدس" على أنغام "زهرة المدائن" للسيدة فيروز... هذا بين الشوطين!!! أي إسفاف وأي استخفاف فينا وبهدول الناس، طب يا أخي الليلة عيد والناس كل من هبّ ودبّ جايين عندكو وبدكو تبسطو هالأمّة التافهة ماشي !بس ليش تهين ناس تانيين مش طالبين منكم ولا من جمهوركم المبجل إنكم تسمعوهم أصلاً ليش ؟ انتهت القصيدة واعتقدت إنها رح تحظى بتصفيق أقل حماسة من التصفيق ل"ميّل يا غزيّل" بس كنت غلطان...ولا كأنو حدا سمع إشي، عادي جداً ! ورجع الأخ الفنان ورجع ذبح وسلخ بكل الأغاني اللي بتخطر على بالك وكانت ليلة ولا كل الليالي !
أنا مرّة زماااان سمعت رأي شخص (أثق برأيه عادة لكني خالفته في تلك النقطة) بمقهى جفرا إنو "استنى عليه شوي وشوف كيف رح يصير" بس لسبب ما كنت مؤمن إنو هالمكان رح تضل إلو خصوصيته ! لكن طلع كلامه صح...على جفرا السلام.

http://naserz.blogspot.com

26 comments:

Unknown said...

ya zalameh yes3ed rabbak :D thats whats happening now, el nas ylle ejo 3nna mn barra 3shan el dawra awal youm tel3o fee a5adoohom 3ala jafra, tab3an el youm el tani kano bekaffro :S 5af 3agelho

Unknown said...

hello naser :)
wallahi ma3ak 7a2 .. o 3a fekra msh bs jafra .. kteer amaken kan elha hek rawnaq o 5ososeyye PUFFF 5erbat!!
o sarat amaken mubtazaleh o ma byerta7 3leha mn asaso !!!!
Happy Eid BTW :D
o alla yestorna mn elli jay :S:S:S

Whisper said...

لااااااااااااااا لا تقول :(


صار على جفرا السلام وانا لسّا نفسي
ازوره من كتر ما قرأت عنه وعن جوه الرائع :"(
_______________

باي ذا واي....كل عام وانت والاهل بالف خير
و اذا اتصلتو بتيتا عيدلي عليها كمان :)

NasEr said...

Yazid
yade el fdjee7a yadi el fedjee7a!
kan waddaitoohom 3a Remal a7san.

Farah Batarneh
Hello Farah?:d happy Eid to u too thanks for stoppin by.

Whisper
allah ya3teeke el 3afyeh dallaite t2ajjle el mawdoo3 kam saneh? :D bte3rafe Daret el fonoun tayyeb?

Whisper said...

LOOOL Allah y3afeek

bsma3 3an Daret el fonoun , b3melo feha nadwat w m3ared but never been there also :S

w bsma3 3an remal w kaman 7abeh 2aroo7 3aleeh

inshallah ydallo salemeen la7atta 2anafez el5e6ah el 5amseneeh w 2azorhom :(

5ear...5ear inshallah :")

NasEr said...

whisper
I doubt inno Remal wel darah 3omorhom yaklo hawa,but the sooner you get used to going there the better :D

Ashwaq said...

wallahi it is not surprising :S kter ma7allat bi 3amman 2alabat heek,w sara7a battal fi ma7alat kter lazezeh il wa7ad yro7 y2adi wa2t feha :( ma fi ishi bidal 3a 7alo :P

w hada bs bidol 3ala ishi wa7ad : 7alet w wade3 mojtama3na "il mo2sif" ya3ni metl ma zakrt il nas ma 3indha wa2et tisma3 Tamim Al Barghouti wel denya 3eed..inta il tani fi 7ada bi hek ayyam bisma3 hek ishi..il nas bedha tifra7 !!

Happy Eid Naser :D

NasEr said...

Ashwaq
howweh ah mo2sef,ma3ek ana,bas ana mesh inno eqtera7e ino el wa7ad lazem yesma3 Tamim el Barghouthi bel 3eed, ana moshkelte inno wain "Da7asho" tameem el bar'3oothi,bnos el mahzaleh, ya3ne jad ma kan elo da3i,that's my point about that.
happy Eid to you too

SimSim said...

5saraa :(

i used to like it's quietness :(

mais said...

nice location and nice place ,nice food and atmosphere maybe the absence of nice people is the problem ...

khaly el sha3b e3eesh :P

NasEr said...

simsim
maybe when its not Eid it'll have some back !

mais
i don't get the "nice people" part ! wasshoo gazdek haa?

mais said...

e3ne zabayen bfhamo lal ma7al elee homeh fe ... fhem a5oooy nasserrr welaa ashra7

NasEr said...

mais
ahhh la weslat el ma3loomeh fanx you :d

Diana said...

khsara.. I went there only once, with Simsim and Rana, and really liked the place..

Naser kayfa 7aloka?

Shaheen said...

I could not agree more.

I wish if I could drop that singer from the balcony, he was very noisy, naybe it would be better to visit Jaffra before in the day light :p

NasEr said...

Diana
ah walla 5sara!ana good I got a job and really busy,blogging on weekends :DD inte wainek w keef Kareem,walla the other day I was asked about this whole blogging thing by a colleague who is pregnant and I told her about u and thought walla sheklo Diana battalat fadyeh t7ok ras-ha men wara Kareem . Kol 3am w into b5air

Sha5bo6
yea morning time .. bas ya a5i shaklo kollo benjeref, my brother calls me the other day (Real n Barca game night) and tells me he's gonna watch it at Ammoun cafe in Abdali!!! wtf :/ ?

Shaheen said...

Ammon is nice, it was our '3orzh during university days, but the problem is the serve almonkar there, u feel its not a normal place

Rula A. said...

I've never been there.. I wanted to go biseef bas ka2ino kano ysawo taslee7at fee..
you gave me a feeling that this place was a real treasure that got ruined by stupid people that consider money number one even though it did reflect badly on the atmosphere of Jafra.. Sad..

NasEr said...

Rula
that's kinda true actually.

Anonymous said...

كنت احب جفرا كثيرا
كنت ازوره مره اسبوعيا
في الفترة الأخيرة بدأت أشعر بالغربة حين اشرب قهوتي هناك

في آخر زيارة شعرت بالأختناق

تقبل اعجابي بالطرح الجميل

يساري حر

NasEr said...

Guevara-spirit
شكرا لمرورك، أهلا بك وبكل الرفاق

Anonymous said...

فلسطينية

حدثني رفيق كثيرا عن جفرا
كم تمنيت أن أزوره وأنعم ببعض الهدوء والتميز وانا ارتشف قهوتي

ولكننا كذلك
نرغب بالتميز والتغيير للافضل
وسرعان ما نحن ونعود لوساختنا
عفوا على التعبير

NasEr said...

فلسطينية
حقيقة عدت وزرت جفرا في مناسبات لاحقة، ولم يكن الوضع بذات سوء تلك الليلة، أدعوك لزيارة جفرا والتمتع به،لكن ليس في ليلة عيد :)

Anonymous said...

سأفعل .. في اول زيارة لي للاردن سأفعل

صباحا

ما زلت ارغب في تناول افطاري هناك
وحدي

فلسطينية

Anonymous said...

كم من المؤسف تغيير الراي بسهولة

والمؤسف اكثر الحكم على الامور من مرة واحدة

NasEr said...

anonymous
تغيير الرأي عادة صحية، برأيي :)
ومصيبة واحدة تكفي لتغيير رأيي في أي شيء. لست كائناً تبريرياً بطبيعتي
and welcome to my blog.

Post a Comment