Aug 27, 2009

2037 دراسة محلية : أفضل الأعوام للصيام

تخطيط إيماني بعيد المدى -

وفقا لدراسة حديثة ، حديثة للغاية ، قام بها السيد شوفير التكسي أمامي ليلة البارحة و أطلعني عليها شخصيا ؛ أفضل الأعوام لصيام شهر رمضان المبارك تمتد ما بين الأعوام 2025 إلى 2050/2051 . و فيما يلي التفصيلات :

دوافع الدراسة :

*الشوفير ينعطف من الإشارة شمال ، ينحني للأمام بمستوى "التابلو" و يمد يده تحت الكرسي ،يخرج قنينة مياه ،نظرة خاطفة عليّ* : تشرب ميّه ؟

أنا : صحتين شكرا .

السائق : يا أخي الواحد صار يعرف يشرب براحتو هسّا + ضحكة صفراء *يعب عبّة صغيرة* .

السائق : -أححح- يا رجل مش طبيعي رمظان هالسنة ، مش طبيعي ! .

أنا : آه شو بدك تسوي ،الله بعين .

السائق : بقلّك السنة الجاي لسا أطقع رح يكون الجو !

أنا : آه شو بدك تسوي !الله بعين !

السائق : و لسّا السنتين البعيديهن ؟الله لا يورجيك!

أنا : آه ؟ شو بدك تسوي ! الله يعين الناس و الله الأسعار نار !

السائق *مع نظرة استهجان* : الأسعار طولمالها بطلوع ،أنا بحكي عالجو ! شوف عليّ ...

معطيات عامة :

*ينخزني في ركبتي عشان أتبّع معو*

السائق : هسّا رمظااان...اللهم صل على سيدنا محمد ... كل ثلاث سنين برجع شهر لورا مزبوط ؟ *يتابع دون انتظار إجابة* يعني السنة الماظية بلش بشهر تسعة،السنة هاي بلش بشهر ثمنية ، السنة الجاي برظو بشهر ثمنية ،واللي بعديها بأول ثمنية ،هي 2009،2010،2011 !

*ثم أسهب في النظر في الأفق و أضاف*

ألفين و اطنعش،ألفين و ثلاطّعش ،و أربعطش ،شهر سبعة

ألفين و خمسطعش و ستطعش و سبعطعش ، شهر ستة

ألفين و ثمنطعش ،و تسعطعش و عشرين ،شهر خمسة

ألفين و واحد و عشرين، و ثنين وعشرين، و ثلاث و عشرين ؟ *يلتفت إليّ*

أنا : شهر أربعة !

السائق : شهر أربعة ، و بجيك يا سيدي أربعة و عشرين و خمسة و عشرين ،و ستة و عشرين ! هظول بجن بالربيع ،يعني بلش الجو أهون بلا(ء) !

أنا : *فرطت من الضحك ،ماشي،ألفين و أربعة و عشرين*

السائق : لأ ! أربعة و عشرين لسا بجي بآخر شهر أربعة ،الخمسة و عشرين بكون طقع للصيام !

أنا : طقع ؟ والله إنك انتا الطقع ،شو خطرلك تفكر بهالقصة ؟

السائق : *ابتسامة استحسان على وجهة ،و بحماس شديد يكمل* : هسا أنا بالنسبة إلي لسا اللي بعديهم أحسن ،بعِزّ الشتا أنا !يعني النهار قصير،فشّي شوب ،دوام قصير،الفطور بطوّلش.

أنا : آه منطق !

السائق *بحماسة مستمرّة* : ستة و عشرين،سبعة و عشرين،ثمنية و عشرين ؟

أنا : شهر ثلاث

السائق : تسعة و عشرين،ثلاثين،واحد وثلاثين شهر اثنين ، ثنين و ثلاثين،ثلاث و ثلاثين،أربعة و ثلاثين ،شهر واحد ،خمسة و ثلاثين ،ستة و ثلاثين،سبعة و ثلاثين ،شهر اطنعِش !

أنا : ..*ما أعطانيش مجال أعلق*

السائق : بالنسبة إلي يعني سنة ألفين و سبعة و ثلاثين من الآخر بتكون ، أقلّك ؟ من بعديهاااااا لحدّيـــــت *ثم سرح في الأفق قليلا و قال ضاحكا * : يعني لسنة الخمسين بكون الوضع تمام !

أنا : *فارط من الضحك* : طب و الواحد و خمسين شو بدك تعمل فيها ؟

السائق : أول إشي يا صاحبي بنقول إن ألله احيانا

أنا : *يهز رأسه موافقا*

السائق : بالواحد و خمسين يعني بدو يكون عمري فوق السبعين ،و وقتها عاد بتبطل تفرق عندي! ما أنا قاعد بالدار قاعد بالدار ،بعدين الحمدلله أنا أبوي صام للثمانين ....

ثم تحول الحديث عن المرحوم والده ،و المرحوم عمّه ، ثم عن مشاكل التركة ، ثم كيف سوف "يفرهل" السيارة بكرة ،و إنو ملوش اسبوع مستلمها و الخ من حديث السيارات اللي بفهمش منو إشي...

النتيجة :

طلب مني الشوفير -إن الله احيانا- و إجت سنة 2037 و كان عندي اولاد ، لما يجي رمضان أحكيلهم "بالزمنات يابا ،ركبت مع شوفير و قلّي إنو أحلى سنة للصيام هي ألفين و سبعة و ثلاثين،و "اتذكرنا و ادعيلنا" ".

ثم ناولته الليرتين و نزلت من السيارة مبسوط !

9 comments:

Diana said...

loooooool, akh ya rabbi, mish 2adreh :D :D :D

mab3oos said...

he has a point. I know it took him for ever to explain the concept, but the he is right. But, since he doesn't fast, why would he care what time Iftar is or what the weather is.

Comrade Abu Nablus said...

bas leesh el7aky walla eno faheeeem =D

NasEr said...

Diana ahlaaaaaaaaaaaaaaaaaan wa sahlan,shekle bedde akatter Taxi stories to see u around more :)

mab3oos I actually thought the guy was smart ,but here's the thing;since i didn't ask him if he fasts or not,cuz i don't ask these questions,he puzzled me,the "hassa bnegdar neshrab" contradicted with the rest of the talk,the way he talked too "in allah a7yana" etc... maybe he does fast after all!

CABesmak taweel ya zalameh :D i agree ,faheem el zalameh

Ashwaq said...

OMG !! he did study it very well,I've never even thought when the next Ramadan will be !! and now I know till 2051 !!! IMPRESSIVE

Wa3d said...

he follows the facilitated fasting principles ! enu fast bs lamma te36ash eshrab mai hahaha
bs wAllah he has a point ! bel 2037 bkun 3ezha lol

Ramadan Kareem ,Naser =)

NasEr said...

Ashwaq impressive ?it can be depressing though isn't it ? :D knowing all the very hot Ramadan years to come !
welcome to smokes blow .

Wa3ed in allah a7yana :p
Ramadan kareem,how's ur university goin?no back to blogging any time soon?

Tha2ir said...

This is an amazing estimate. it shows that we do underestimate the power and knowledge of our taxi drivers!

NasEr said...

Tha2ir welcome back ya zalameh :)

Post a Comment