Aug 31, 2009

رمضان معنا مش طبيعي شو حلو على التلفزيون الأردني

كالعادة ، يبجي رمضان ،والواحد زي كل سنة بفقدش الأمل بالتلفزيون الأردني لسبب أو لآخر و بجرب يحضر عليه شوي ...حطيت على برنامج "رمضان معنا أحلى"... في كمشة أوراق في يد المذيعة ( إعداد البرنامج) ، أكاد أجزم إنو المكتوب فيها هو التالي و فقط التالي :

1) رحّبي بالناس ،إحكيلهم صياما مقبولا و صحتين و خلافه

2) ترّن ترّن ، ردي عالتلفون ، قبل مرحبا و أهلين إسلخي الزلمة مليون مبروك كبيرة لإنو حكا معنا ، و من ثم تابعي :

بمجرد اتصالك معنا إنتا ربحت :

- ألف كاسة بلاستيك مقدمة من قهوة النـُص ؛ قهوة النص قهوة غلي مية بالمية ،بس إنتا صفّي النيـّة .

- أربمعمية بطيخة عالسكين مقدمة من معرش الحج اسماعين ؛ الحج اسماعين بطيختو حمرة ، ما بتطلع بيضا بالمرّة .

- مونة نكاشات سنان مدى الحياة مقدمة من شركة نكّاش السناينة ؛ انكش سنّك يا شبعان ،نكش المخ للزعران .

3) هسّا إرفعي راسك من هالورقة و اتطلعي عالكاميرا الظاوية ظو أحمر ،ما رح نحكيلك أي كاميرا شغالة ،لازم تدوري عليها عشان نبين إنّا عالهوا + ;)

4) بس تلاقي الكامير إسألي الزلمة إذا مبسوط ،مش مهم شو يجاوب ،يعني إذا حكيتلو "مبسوووووط يا ابو محمد؟" و جاوبك "كل شي من ألله منيح" مع نبرة خيبة أمل طنّشي ، شعب بعبيش عينو غير التراب . تابعي أسماء الشركات الراعية :

- و ياااا أبو محمد ربحت معنا كماااان 18 دزينة ملاقط غسيل (خشب) مقدمة من شركة علق أواعيك ؛ أنشر الغسيلات و ما تهاب ، من اليوم و رايح ما في نشر عالبواب ، علق أواعيك هيّة هيّة ، فخر الصناعة الصينيّة .

5) بتطمني المتصل إنو الكل معنا ربحان ، و إنو صار وقت نجرب نشغل السيارة ، و بتعطيها شعار شركة السيارات و بتعيدي الجملة ثلاث مرّات متتالية ، إعتبري حالك معلمة صف تمهيدي بتعطي درس "ألييييف أرنب ، بااااا بطّة ،تاااا تلاّجة!"

6) ربح السيارة هيو ربح ، ما ربح بتعطي أكمّن جائزة ترظية ، ليف جلي ،ملبس علوز، بوابيج بلاستيك لون أسود للحمام ،كولونات ستاتي ليكرا ، علاقات مفاتيح ، إختاري اللي بدك إياه

7) أعيدي قراءة الجوائز و شعارات الشركات الراعية

8) إحكي باي للي عالتلفون

9) إعتام

10) دعايات الشركات الراعية

11) ترّن ترّن ، ردّي عالتلفون - هسا إرجعي من أول الصفحة- .

...

كما أتقدم عن نفسي بالأصالة و الشعب الأردني بالنيابة بأخلص التهاني و التبريكات للسيد مدير عام مؤسسة الإذاعة و التلفزيون على خبر تجديد الثقة فيه و تمديد عقده ، إلى الأمام يا بطل ،أحسنت ، شوهـــــــد ، *توقيع* .

41 comments:

Waed said...

ROFL!!!
HAHAHAHAHAHAAHAHAHA!!
Naser ! I await ur criticism lal musalsal al orduni al hadef nesf al qamar ! haven't watched it but my friends gave amazing reviews =P

NasEr said...

Waed walla kol 7ada bonkosh feyye a7daro for some reason LOL ! I don't know I'm still not used to watch too much TV again yet ,maybe later . bas hey Jordan TV's series aren't all bad :p like...like...like the one I've been in couple of years back LOL :D
http://photos-a.ak.fbcdn.net/photos-ak-snc1/v2451/80/29/507658838/n507658838_1411664_5235321.jpg

visitor said...

i wonder that there r people still have jordanian channel on their tv

Waed said...

dude hatlak link zabet !
I ended up looking at some Asian women =S

Suzanna said...

wallah hada nesf el qamar jabelna edwar!!!
elmoshkeleh eno ana men enas yalle 3endhom 2amal bel shbab elordonyen elmobd3en w elfan el2ordone wel nas yalle bteshta'3el Masra7 w TV men 2albhom...bs ana mosh fahmeh wainhom?!!!

Enas said...

ha ha ha ha
ta7sheesh
kefak man?

EvaLuna said...

فشيت غلي الله يفش غلك ..
كل عام و انتا بخير

تقوى

Halawa said...

I've been skimming through your blog for the whole day today. And let me tell you.. You are HILARIOUS!!!

Ahahaha I laughed my butt off reading this one XD.

Ramadan m3na a7la only gets more entertaining every year. I remember they used to give out indomie too? Bn7azzen wallah XD.

Ramadan 7elu here in the UAE, siwa2an 3ala el TV or o enta mashi fil mall msh 3aref wein Allah 7a66ak.. from absolutely nowhere some dude with a TV camera pops out and hands you AED+500 (+100 dinars) becuase you know the name of Prophet Mohammad's father ^^.
That's the kind of Ramadan m3na a7la I'm talking about =p.

Will be sure to follow =D

Osama Romoh said...

HAHAHAHAHA So Nice.. I like it.

Whisper said...

احنا بنفتح عالاردن قبل الاذان بنص دقيقه لنتأكد اذّن ويلا لسا, مره وحده انسجمنا بالاكل و بدت المذيعه تغرّد

عالقليله يجيبو وحده صوتها زي العالم والناس
و بعدين يعني الاردن مليانه بنات حلوين, مش فاهمه من وين جايبينهم الله يسامحهم
----------------
بالنسبه للصوره...النظاره الشمسيه مع الحذاء الطنبوري جايين من الاخر :)

Ali said...

If it was for me believe me i would block JORDAN TV from the digital, But my mother watches some shows.

The blame isn't on the T.V, It's on the people who call, God help us.

Rula A. said...

hahahaha Naser walak mish tabeee3i shoo da7aktni :)
3ajbatni; alf .. arnab
ba.. bab
taa; talajeh
i7na ktabna il madrase ta3 KSA kan
ز زرع
ح حصد
nice one :)

Historian said...

Haha :)) nice post buddy..
feshet 3'olli ya zalameh..!

i wish they read such posts .. and someday become something more professional.. badal hal mass5ara..!

Thanks again.

NasEr said...

Visitor everyone does,it comes by default, not so many watch though i guess !

Waed hayha sha'3aleh el soora,ask Whisper ,inte internettek mvayres shaklo !

Suzanna hayna ! bendawer 3a sho'3ol :'(

enas tamam,zahag,keefek inte ? oh w iza 7awalaike sho'3ol e7keele :)

EvaLuna aka Taqwa laaaaaaaaaa...mosta7eel ! ya mar7abaN ya mar7aban nawwarti ,w inte b alf 5air :)

Halawa Thanks,welcome to smokes blow , Indomi is good malo :D kano zaman on Jordan TV ydooro bain el nas w yes2alo 3an amthal sa3beh lel '3ayeh for 25 JD ! I say go UAE !lol

Osamah Romoh Thanks for stopping by ,do i make the cut for the v-blogging ?:D

Whisper That's racist ? sexist ?i don't know lazemlek tohmeh :D el 3elleh mesh bel mothee3a,bel barnamej nafso :/ e7na battalna n7ot 7atta lal adaan ,
PS : wallahe innek fahmaneh,the best thing in the pic iz 7etha2 el tanboori :DDDDDD i should've taken a pic while I'm riding a horse with those ! ra7at 3alay !

Ali well if you called it'll pay off ,i think their slogan should be : كل المتصلين ربحانين ،و كل المشاهدين خسرانين . and if mom wants JTV then JTV it is :)

Rula bas hay 3ajbatek :p lol , e7na a5adna Zain Zarafeh :D

Historian well if I get a comment similar to this (by Anonymous)

التلفزيون الأردني كان و مازال في خدمة المواطن من نعومة أظفاره حتى مماته ، الهدف من هكذا برامج هو مساعدة الناس في هذه الظروف الصعبة !
then i guess they read it :D
i hope they do though for real !

Anonymous said...

التلفزيون الأردني كان و مازال في خدمة المواطن من نعومة أظفاره حتى مماته ، الهدف من هكذا برامج هو مساعدة الناس في هذه الظروف الصعبة !

Em Ommar said...

نسيت تحكي إنها بتكون تقريبن ناسه انه الدنيا صيام,,ولازم شويه احتشام ف اللبس
وشكلها ناسيه إنه حفله الهفي ميتل تاعتها بتبلبش بعد الساعه 12 ف بتكون جايه وحاطه كل مكياج الدنيا ع خلقتها

ناهيك عن سرحانها,, و قله تركزيها وثقافتها المعدومه

Anonymous said...

Lol, Really loved the post, Now I can't imagine the presenter but with this image. Really great post

nakhaleh said...

looooooool i liked it man, u know ino when i read the last sentence ele b7ki 3n MO2ASAT EL ETHA3A O EL TELFIZZION o el wa7d lisato still reading b that accent(6a3j tmo :D ) i talked to my self, ino eshi b7aznn el wa7ad sar kul ma yeqra2 klmet "MO2ASSASEH" in Jordan bt-hay2lo ino "Sooog" soog el 3adeh srgniiii o harab o eb3d 3n 7osti ya mo7trammm o tab5ees b as3aar el products o bee3 o eshtri seede o ele ma yshtreee yetfaragg !!! ;) Keep on bro

NasEr said...

Anonymous ha ha ha .

Um Omar أنا ما جبت سيرة المذيعة لعدة أسباب ، أهمها إنو بس إنتا تشتغل في إطار سيء صعب يطلع أحسن إشي عندك ، يعني بلاش نحكم عليها كشخص أو مقدمة من خلال برنامج سيء ، هي وقعت عقد و هذا الي إجاها و بدها تكملو ، ما تستغربي إذا كان رأيها في البرنامج مثل أراءنا تماما

Tha2ir you can actually see the presenter ,tune on Jordan TV today allah be3eenak :D

Nakhaleh ahlan wa sahlan ashraqat el anwar ,ah will keep on akka akka stand up yea yea peace out respect .
walak e3mal blog yalla ballesh Dawwen badal ma profile fadi haik :)

لبنــــــــــى said...

من زمان و احنا عم نحكي نفس الحكي و ما تغير شي
بس عن جد يعني المذيعة اذا ما بدنا نلومها على زوقها باللبس و المكياج و نقول الدنيا ازواق
و لا على نوعية البرامج لانها مضطرة
من حقنا نلومها على عدم تطوير حالها
و قلة ثقافتها و استهتارها بالناس
و لو بررنالها اكتر اذا التلفزيون الاردني كتير علينا

بس مقال حلو :)

NasEr said...

Jafra honestly ?I didn't even watch the whole thing to judge her Thaqafeh,so you might have a point cuz if its the case i agree with u .

Dreamer said...

LOOL I just LOVE the prizes :p

On a side note..why do people even call?? Are they insane?? I am astounded by the number of INSANE people out there..

Anonymous said...

complicated ; the prizes can reach 5/6 thousand per caller , i think maybe 4 a night i'm not sure but that's around one hundred happy families at least ...now what is wrong with that ?? u want insanity , look at the condescending replies above . sorry guys , the presenter is not half as bad as they say , n it's not an educational programme , if one is looking for intellectual stuff don't watch !!

the sponsors of course need to be mentioned every other minute , why else would they offer so much money

other than that ..brilliant post naser

freedom said...

هذا التعليق يليق بالتلفزيون الاردني

Jarat said...

اول شي رمضان مبارك انا عارفه اتعدو خلص بس مش مشكله وقتها بنحكيلك عيدك مبارك :P

انا ما فهمه ولااااا كلمه من الي
كتبتو غير رقم 1 ورقم11مع العلم اني انا عمله متل ما حكيه وارجعه ع رقم 1 بس كمان ما افهمه
يمكن لسه انا خارج التغطيه عشان الواحد صايم بتعرف
:$
واهلا وسهلا فيا شكرا الله ايخليك:P

mais said...

7000 KASET BLASTIIC :pp LOOOL

mais said...
This comment has been removed by the author.
Em Ommar said...

اوكي,, خليني اضربلك مثال السنه الماضيه
نجلاء عبدالله
قدمت برنامج رمضان معنا احلى
مش هيه ممثله
ليه ما اتقنت دور المذيعه
اللي إحتمال ما تكون رضيانه فيه

Anonymous said...

اوكي,, خليني اضربلك مثال السنه الماضيه
نجلاء عبدالله
قدمت برنامج رمضان معنا احلى
مش هيه ممثله
ليه ما اتقنت دور المذيعه
اللي إحتمال ما تكون رضيانه فيه

7abeebte um omar , if someone ma atqan doroh , it's the people who called and won prizes , for God's sake ma ishi be7arek.hom ..if she told them u won a million they'd go silent on her n she keeps on calling their names making sure they're still there..yes they're breathing but not a word ...at least let them take part of the blame for this sorry a$$ programme ...be fair ppl (mish inti um omar) :)

Unknown said...

HAHAHAHAHHA that was a good one!!! lol!! sob7ana allah dayman el telfizion el 2ordoni ma be5ayyeb 6'an el wa7ad hehehehe

NasEr said...

complicated they call because they dream of fast earned money,and luck . i believe in neither .

Anonymous "a hundred happy family at least" if the money is distributed to a hundred needy families,another thing,one caller gets prizes worthy of around 15,00 JD per time.and let me tell u somethig else,the cost of calling isn't the usual domestic call rate, its around 0.60 JD I heard from some (it could be only more,not less)and so,if "you" think about calling, you'll have to have 10-15 JD minimum in your balance to be able to call,be on hold,wait your turn if you're lucky ,and then go online,if not more ,if you think anyone "in need" would waste more than 25 JD in phone credit to get a shot at going online you're mistaken. so that's what's wrong with "That".

freedom thx for stopping by.

Jarat ....إنتي بالأردن ولا لأ ؟ إذا لأ معناتو معلش ما تفهمي كل المكتوب...إذا آه بالأردن معناتو في مشكلة :)
أهلا و سهلا شكرا جزيلا كل عام و انتو بخير

mais thx for stopping by :)

Um Omar وتس ذا بوينت ؟ يمكن عشان المصاري ، عادي واحد إجا شغل و اشتغلو ، بس مرة تانية ،وتس ذا بوينت ؟

Anonymous to Um Omar will divert your call shortly ,thank you for passing by :D

Farah and Yazid man '3ayyerlna hal "and" la "&" sho ra2yak ? thx for stopping by bud.

Unknown said...
This comment has been removed by the author.
Unknown said...

ok shoof sho 3m betla3 lamma a7ot el &

Farah & Yazid

Jarat said...

لا انا بالهند بتعرف وين هادي؟ ازا ما بتعرف معناتو مافي مشكله ازا بتعرف معناتو في مشاكل:P

:)انا من فلسطين عايشه بالخليج

NasEr said...

Farah AND Yazid LOL :d

Jarat أهلا و سهلا ، لا إزا هيك معلش ، لازم تكوني عايشة بالأردن عشان تفهمي الفلم :))

Zeina said...

I read your post just after you wrote it. I loved the sarcasm and the . I was able to relate although I don't live in Jordan.

But today I ran into this video by coincidence and I remembered your post!
Maybe you have seen it before, but I thought of sharing.

http://www.facebook.com/video/video.php?v=163725930518&oid=77076753276&ref=mf

sharar said...
This comment has been removed by the author.
sharar said...

خخخ تخـــــــــــــــيل نفس المشاعر الي عندي اتجاه تلفزيون فلسطين


جرب احضر برنامج
" ألو رد علي "
يا زلمي جيبينلك هالمذيعه الي اشك انها سيده
قال الان مع شيرين الخالدي وبرنامج رد علي
احضروا رايح يكون عندك دافع انك تكره التلفاز والمذيعات ويمكن السيدات كلهن

http://www.latifaonline.net/main/news/photo_ar/news.pic.1188.4156__49d4f323_0002.jpg

NasEr said...

Zeina could the poster of the video be our "Halawa" who commented earlier ? :d thanks for the link n welcome to smokes blow

Sharar ana 7deret eshet ani hadak el yoam ,elle beleffo w bes2alo el nas ,bere3ayet Al Wataneyya :D

Unknown said...

الشجره

Unknown said...

الشجره

Post a Comment