Dec 12, 2009

يعني لو كان سعد الحريري رئيس وزراء....عندو نفط !؟


أجدد فيديو فايع في العالم العربي، سعد الحريري في مجلس النواب وهو يتلعثم بالكلام، عالفيس بوك، عالمدونات، عالموباليلات، بالإيميلات، إللي عندو ثلاّجات غسالات راديات مسجلات تلفزيونات كنبايات عتيـقة للبيييييع...



الصراحة سياسة لبنان معقدة زيادة عن اللزوم وعندي شعور إنو عمري ما رح أفهمها، ولذلك بس حبيت أوضح إني بكتب الآن مش دفاعاً عن سعد الحريري ولا غيرو، بس حاب أحط أصبعي بعنيكو، أو عنينا بالأصح، ولأني بكره لما الناس "تنهجن" على إشي ولما الكل يصير يقلد التاني عالعمياني وبغباء وبدون تفكير لمجرّد إنو موضوع معيّن عامل ضجة، لإنو عادة هاي الأمور بتيجي وبتروح والناس بتفيع عليها وتاني يوم بنسوها، مثال: حرب غزة الأخيرة، محمود درويش، الخ... نرجع لموضوع سعد الحريري، إحنا شعوب جبانة بشكل مش طبيعي، و ما بنستقوي إلاّ عالأضعف منّا ،في وجه الضعيف فش أشطر منّا بالنقد والمسخرة، أمّا عند القوي بنأرنب وبنصير نوتوت لحالنا أو حتّا بنتحسّر بعقلنا بلاش حدا يسمعنا ! يعني اللي عمرو فيكم حضر قمّة عربية، أو اجتماع رؤساء وزراء عرب لقمّة طارئة أو غير طارئة، أو سمع وزير دفاع دولة خليجية يلقي بيان، أو مسؤول سعودي يتحدث عن تجهيزات الحج أو غيرو...بعرف إنو معظمهم مش أفضل من سعد الحريري، بل أسوأ بمرااااحل، خاصة جماعة اللحى وال"متدينين"، إللي المفروض بقرأوا القرآن 5 مرّات يومياً عالأقل،( بالمناسبة، التفسير الوحيد اللي وجدته لهاي الظاهرة، إنو بلكي هدول الجماعة بعملو زي ما كنت أعمل و أنا صغير لما أجي أصلي، دايماً كنت أقرأ سورة الإخلاص "أو: قل هو الله أحد" وسورة الفلق "أو: قل أعوذ برب الناس" بكل صلاة لأنهم قصار، يمكن عشان هيك لغتهم العربية ركيكة)، المهم، فالصراحة قاعد بفكّر...لو سعد هالحريري كان رئيس وزراء دولة قوية وعندها نفط...كان حدا فيكو تفلسف وعمل فيها أبو العرّيف اللي بغلطش ولا بحرف ؟ والله بشك ! على الأقل، خلينا نقدّر إنو بلبنان مسموحلك تحكي للأعور أعور بوجهو بدون ما تخاف على حياتك وأولادك وشغلك وعيلتك الخ الخ الخ... وتذكروا إنكو بتقدروش تتخنفسو لما شوفير التكسي يبلّش يتشكون عالأسعار وعالحياة الصعبة لإنكو بتخافو يكون بدو يسحب منكو حكي ويسحبكوا النمل بعديها، يعني كل هاللي نشروا فيديو الحريري، ممتاز، المرة الجاي اللي بصير إشي بحتاج الناس تفتح ثمامها عشانو، يا ريت نشوف هالحماس المتّقد بصب باتجاه إشي مفيد، على سبيل التغيير يعني بس



و في النهاية... قلعاط اللي يقلعطنا ما أتفهنا!

http://naserz.blogspot.com

25 comments:

Qwaider قويدر said...

مين قلّك بس انّو ما صار نفس الشي مع كل هالرؤساء "العرب". ما الحال من بعضو.. او زي ما حكيت "كلّنا في الهوى سوا" و اللبيب بالإشارة يفهم


لكن القصة مع سعد الحريري معقّدة، من اتهّامه بالعمالة و العمل ضد مصالح المقاومة الى مواقفة النخبوية كبليونير مش حاسس بشي، الى تنصيبة "شيخ" على تركة رفيق الحريري رحمة الله مع انّه فسل لا يفقه شيئا و لا ناقة له و لا بعير في كل السياسة اللبنانية شديدة التعقيد حتى على المخضرمين و المحنّكين سياسيا
فطوّل بالك حبيبي، و ما تزعّل روحك... فكلّنا في الهوى... سوا

SimSim said...

يعني من المقابلات والكلمات اللي بلقيها زعماؤنا اطال الله في اعمارهم ما عمري شفت واحد زيه !!! يعني كلمة كلمتين يتلعثم الواحد اما مش للهالدرجه ؟؟ كاتبينله الكلمة على الاقل يقرأها قبل !!! وبعدين سعد الحريري ممكن اعتباره من اهل الخليج بثروته الطائلة يعني حيطه اكيييد مش واطي وانه عشان هيك الناس ضحكت وكبرت الموضوع

انا صراحة اكتر اشي ضحكت عليه كمان لقطات مسرحية العيال كبرت اللي دامجينها مع الفيديو ... بنضحك على خيبتنا

Anonymous said...

قودير راجع اخر خطاب عرش وشوف اذا في اخطاء ولا لأ بدل ما تقعد تلف وتدور وتأشر وتعطي ملاحظات خليك جريء وعبر عن رأيك

مقارنتك فاقدة حنان امها

Ahmad Hamdan said...

والله كلامك صحيح مية بالمية وما عندي اي كلمة تانية عليه

hamede said...

لو انك سمعت خطاب السيء الذكر السادات عندما تكلم الانجليزي في أميركا ،على أية حال الحريري تورث المنصب عن طريق المال السياسي الرجل ليس له علاقة بي السياسة، المستقبل كفيل بفشله الأكيد .

hypsiphobia said...

بصراحة الشيخ سوسو خلاني اترحّم على الأمير الكويتي اللي إجو ينصبو أمير وهو جثّة هامدة وما قدر يُنطق القَسم.

دخيلُه عدّاء الماراثون أنا.

NasEr said...

Q-man
أنا مطول بالي عالآخر ومش زعلان على سعد الحريري أو غيرو، هيّة إجت فرصة عشان أنفس عن كمشة تراكمات
Always good to see u here.

SimSim
هو لولا سعيد صالح كان ما حدا كمل الفيديو للآخر :)

Anonymous
ملاحظة على الهامش / خليك جريء وعرف عن حالك :)

Ahmad Hamdan
thanks for dropping the comment then :)

Hamede
صراحة قصة التاريخ سيثبت أو لن سيثبت هاي شوي ملغوصة، يعني خود أي شخصية عربية بارزة رح تلاقي مليون كتاب ورأي يبرر تصرفاته،و مليون ورأي آخر بنتقد تصرفاته. بعتقد الموضوع بضل قناعة ونتائج شخصية، بس أتفق مع الجميع إنو تورث المنصب واللقب هيك من الله في للله

MOC
LOL ! meen 3adda2 el Marathone ? :DDDD

Unknown said...

Hey ! you cant blame the ppl for sharing this :D it was hilarious :P hehehe but i'm with you in the "fearing" thing l2nno law 7ada tani 3emel hek ma 7ada kan jab seerto
7atta enta lamma darabet amseleh ma 2deret t7added be esem :P
yalla allah be3een :P

zuhair said...

7alawa .. eshi 3adi yetla3tham .. la2nho hay 9efah montashera fe alselk aldoblomacy .. eza ma tla3tham bohkroj 3an eljama3a .. ead wa7adeh elshabab mashallah 3alehom )

Em Ommar said...

حدن سمع شي عن هالصوره

http://4.bp.blogspot.com/_JIyi0UFEGkk/SyCVj-UKz-I/AAAAAAAACCw/vcBDgCaFKrM/s1600-h/_34638_Palestinian_milk.jpg


لا,, بس لو كانت لواحد مصري ماسك مطوى,, كان كل القنوات اعلنت الحداد العام

ع قولتك
الله يرحمنا

Moh'd Jarrar. said...

اجاني 4 ايميلات عالاقل بالقصة
غير الفيسبوك والنيلة وما الى ذلك

جد احنا عالم مش لاقية اشي نبلش فيه

شكرا ناصر

Omar Izz said...
This comment has been removed by a blog administrator.
Rula A. said...

حبيت: بنصير نوتوت ههههههه
I liked you post :)

zeina said...

hahahaha the first paragraph is just hilarious man!
What I like about this post is that it's the "only" different perspective about the subject!
I'm one of those who laughed their hearts out while watching it! But it's not because he is weak -or let us say not "powerful enough"- we're laughing at him. Remember the pic where bush was reading a book upside down?! And USA is the "most" powerful country!
Once I read something like this, I forgot who said it, but here how I remember it goes; "the literate are too smart to go into politics and that's why we are ruled by the ignorant" or something like that!

NasEr said...

Yazid
mashi mashi... :d bas shoof ana 3nde qa3edeh estantajt-ha and it proves right day after day,whenever your lovely Arab world get massively excited about something,then look for where it went wrong,cuz there must be something wrong about it.

zuzik
btw i like to just call u zuzik,do u mind ?

Um Omar
hay el soora sarat eshe 3adi, that's why its not "news" anymore. you hit the core of what I'm trying to say.

Lunar
hala 3ammi :)
5alleena nshoofak qareeban ya zalameh.

Rula A
awwalan,erseelek 3a bar b hal blog name :D
taneyan,thanks :)

Zeina
The USA is a powerful country, I meant an Arab one,I'm not sure how I feel about the quote,interesting though

NasEr said...

Zeina
by the way, I don't take credit for the 1st paragraph, click here check number 5 :))

Rula A. said...

Malo my blog name? You mean Miss Arafat? Willa the URL lolitarulez?
They are both the same ma ghayart shee w il theme lisato Green :)
w you are welcomed :)

Zeina said...

Hahaha about #5; I've heard that a lot, where I live you can sell copper as well :D
But the hilarious part was engaging it in the post!

And about politics in Lebanon, ya akhi la heye m3a22adeh wala sh7ar!

Here, politics mean sects! Sects are a grp of ppl (followers, mainly poor or very very poor) controlled by a charismatic -fame and wealth seeker- hypocrite, who works for his own sake blinded with vanity and greed!!

This leads to huge chaos and lack of discipline in all sectors, industry, economy, education, etc etc etc..
In turn, this chaos reflects on society and leads to the eruption of more chaos!

Maybe the good thing is freedom of speech here! But it doesn't benefit anymore, people here grew resistant to criticism! Tamsa7o! hehehe

wlak aaakh min lebnen!!

hypsiphobia said...

وَلَو!
هَي عدّاء الماراثون: http://up.ur-star.com/files/131670.jpg

شو هالسيقان يا.

Omar Izz said...

la zgort! gad 7alak tamam,, 3adi ya zalameh.. ma r7 tro7 wara el shams mshan wa7ad zatlak comment 3al malik.. bs shu bedna nsawi.. fe nas zgorteye ktheer zai 7alatak

NasEr said...

Rula
oh,so you're not Ms RA ?lol ,shaklo another user who I thought was you :)

Zeina
that should be printed on flyers and handed away if you ask me :D thx

MOS
oh,talking about Haifa ?:p

Omar Izz
mashi.
did you hear of what happened with Abdelhadi Raji ElMajali's website (Ijbed)? .I don't need the headache really,go start your own blog and feel free to write whatever you wish,or you're welcome here within what I see suitable and acceptable.
وفكك من التنظير.

Rula A. said...

hala2 ana marra 7ateet comment 3ala post bas not one of yours..
Khalas ana bikul makan I'll be Rula A. xD

Omar Izz said...

شوف يا صديقي، قعدت سنتين عندي بلوج كتبت في كل اللي عندي لحد ما زهقت، و بحب اؤكدلك انو ما حد حكا معي لا من بعيد ولا من قريب، وعشان ما تقولي، كان البلوج وضعو زي العسل، يعني في قراء كثير.. السبب الوحيد اللي خلاني اقرف واوقف كتابة هو اني اتاكدت انو الشعب 90% منو زي حالاتك، ومش قصدي التجريح، شاخخ على حالو بدون ما حد يقولو بخ، وبيجي بقولك انا بديش وجع راس! الحرية مش مزحة، ولما تكون خايف حتى من تعليق انك تنشرو عشان "وجع الراس" مع انو ما في اشي عظيم بكون احسنلك تقعد بالدار وتشغل هاشمي هاشمي ..

بعدين ما في داعي للتنظير؟ حلوة هاي، عدم المؤاخذة ما عرفت شو هدف البلوجات بالزبط؟ يعني ما عرفت انت شو قاعد بتسوي؟ بتبيع جرابات عباب الحسيني؟  

NasEr said...

Rula
see ? i was right after all :d

Omar Izz
wallah I did google "Omar Izz blog" and result came out nothing, anyway I'll take your word for it, mashi kan 3ndak blog w kont ma5ed ra7tak fee w ma 7ad 7aka ma3ak, mojarrad inno haik sar ma3ak tefterdesh inno haik sar aw ra7 yseer ma3i, w lamma 7akait balash tantheer kan azdi el tantheer b had el mawdoo3,elle rje3et sala5tne fee mo7adara tanyeh 3an el 7orreyyeh b ta3leeqak el jdeed, be5tesar w 3ashan beddeesh waj3et ras w mesh mettar abarerlak sara7atan, tfakkresh 7alak el wa7eed elle 3omro "shta'3al" la eshe,w tfakkresh ino kol 7ada tele3 menha bedoon waja3 ras zay ma inta tle3et menha bedoon waj3et ras.
w itha 7ab te3raf ta2theer waja3 el ras elle sabni click on "ابراهيم نصرالله" tag w shoof el blogpost elle katabto 3an شرفة رجل الثلج. na3am wad3i mostaf7el w beddeesh waja3 ras.

Rula A. said...

Don't judge someone before knowing him.. I don't know much about him..Though speaking about myself that even I don't know all the Arabic word -like the big ones that you see in newspapers- And maybe French is his mother-tongue not Arabic! Which led to this situation!
I know that probably he should've practiced more..
Again..I am not sure..I am just saying..

Post a Comment