Dec 31, 2009

كميل وزميل، شو عاملين عالنيويير؟


كميل: شاب عمّاني طويل ورأسه بارز بشكل مربع بعض الشيء، نحيف ويلبس جوكيت جلد بنّي ما عندو غيرو، بنطلون جينز أزرق -كاحت- وبسطار أسود مش لابق مع الجوكيت البنّي، يوحي بالعباطة لكنه طيب وعلى نياته، نفسو "يعمل إشي" عالنيويير، يعمل مهندس كمبيوتر بشهادة جماعية،و شهادة والدته بذكائه.

زميل: زميل كميل منذ سني الجامعة، قصير ورأسه مدور بشكل بارز بعض الشيء، أصلع وشعره منبّز شوي، صوته غليظ بسبب التدخين، يلبس طاقية سوداء صوف إم الليرة (اللي عليها ماركة adibas) لكن بشكل ستايلش، يملك سيارة كيا لون خمري، نفسو "يعمل إشي" عالنيويير، كميل يملك محل موبايلات.
في مكان عمل كميل جرى الحوار التالي:
البنت اللي مكتبها جمب مكتب كميل (عبير): "أوكي أوكي...لأ شو مزرعة سامر ما مزرعة سامر، تسؤ تسؤ، ما بطيء نص الناس اللي رايحيين،...خلص بحكي ميرا وبشوف وين طالعين، بلكي بنروح معهم عبيروت خلص أريح"، ثمّ أردفت قائلة: شو كميل؟ شو عامل عالنيويير؟
كميل - بحط راسو بشاشة هالكمبيوتر وبعمل حالو مركز، يتمتم لنفسه-: إتش تي إم إل، لأ... الكود هاد ضارب يلعن أخت جوجل (أو غوغل) شو إنهم تيوس...
البنت اللي جمب كميل -تقاطعه-: ولك كميل، إحكي، شو رح تعمول عالنيويير؟
كميل: والله مانا عارف...جاعبالي السنة أقعد بالدار مع الحجة، كل سنة بطلع وهيك، بدي أغير جو السنة بالدار، زمان ما عملنا بارتي (بتشديد الباء) بالدار.
عبير: آه طيب كول، أحلى إشي الصراحة، عشا وصحاب وهيك
كميل -سابح في خياله- : آه..
قام كميل وراح عالحمام، اتطلع بهالمراي اللي قدامه، لعب بشعراتو المتكتكين وقال: يلعن روما، يلعن عمرك ما أزكاك، شو ناقصك إنتا عشان تعمل إشي عالنيويير؟، والله لأعمل إشي زيي زي هالعالم.
رفع تلفون على زميل...ترررم تررررم، ودار الحوار التالي (إحنا رح نسمع كميل بس،لغايات الشفافية في نقل الصورة):
ألو؟ زميل؟ وك كيفك؟ وين أيامك؟ حبيبي، الله يخليك، تسلم، والله وأنا، اشتاقتلك العافية، كيف حالك؟،شو الأخبار؟، كيف الشغل؟، الله بعين والله السوق واقف وين ماكان يا خوك، آه منيح الحمدلله بسلم عليك، المهم كيفك إنتا؟، طيب تمام، كيف الشغل طيب؟شو في أخبار؟ طيب المهم...إسمع، كنت بدي اسألك...شو عامل عالنيويير؟ ،عراس السنة يعني يا بقرة!، بيتوتي؟ الله يقطع بيتوتي! بدنا نفيع يا زلمة مشان القرود!!شو بعرفني، خنروحلنا محل!،خلص ماشي، بيناتنا ألو معناتو.
ثم عاد قافلاً من الحمام وعلى وجهه ضحكة عريضة، وقال: "طالعين!" التفتت البنت اللي جمب كميل عليه "شو؟"، ردّ : بقلّك طالعين، مش سألتيني شو عامل عالنيويير؟ طالع طالع!!!. استهجنت البنت الحماس الزايد عند كميل، بس سايرتو: أوك إنجوي،إحنا خلص طالعين عبيروت، إحنا وصحابنا، قررنا نقاطع حفلة المزرعة لإنو الناس شوي حفرتل. ردّد كميل خلال جولة السباحة الثانية في خياله: إنجوي!!
روّح كميل ولاقا زميل عالموعد، عالساعة ستة ونص مساءً، لإنو سمع بالشغل إنو في إشي إسمو "بري بارتي"، حفلة استباقية يعني بالعربي ،- بعد ما ترجمها على جوجل لانجويجيز-، طلع بهالسيارة، "يالله يا معلم، حفلتنا الاستباقية بلّشت" وعلاّ الراديو واندمج مع أغنية "ليتس جو تو ذا كاندي شوب" وكمّل الأغنية "أول إنجيليش، أول زا تايم" بس استغرب ليش المغنّي نسي هاد المقطع، نظر إليه كميل نظرة شزرى وأردف قائلا: يا ولد كنّك انهبلت انتا؟ مالك هيك زي اللي ركبك عفريت،شو قاعد بتهذرب، شو حفلة استباقية؟هاي هي الحفلة الاستباقية؟ البين يطسّك ما اهبلك!
فعلاً، البين طس كميل وطفى نار الحماس المتّقد في داخله كونه لأول مرّة بكون مشارك رسمي بالنيويير، فجلّس وقال "طب شو بدك نسوي؟"، رد عليه زميل "بنروح عالشونزيليزيه شو رأيك،هاهاها" ثم داعب كميل -بلا قافية- وصالحه عشنّو طسّو وقلّو هسا بودّيك أحلا حفلة استباقية، ضرب سويتش وراح فيه على مطعم هاشم، بعدين جزدرو بالبلد، ولفلفو بجبل عمان، وعبدون، والصويفية، وشارع الوكالات، يعني الجولة المعتادة، بس المرّة هاي كانت تملؤها البهجة والسعادة -على الرغم من الجو البارد والمغص الذي أصاب زميل قد ما أكل فلافل-، كونهم "عاملين إشي" عالنيويير!
وصارت الساعة 11:30 بالليل، والشباب مش عارفه وين بدها تقضي ساعة الصفر...قامو قرروا إنو أحسن إشي يفيعو عالفيسبوك، عالأقل أكيد في ناس ثانية رح تكون قاعدة ببيتوتها أو شابكة من موبايلاتها، وهيك يعني بأمّنو أكبر قدر ممكن من التفاعل مع العالم، دوّروا على إنترنت كافيه وقعدو، هُب طُب ولا في إيفينت عالفيسبوك قال الناس بدها تحتفل بالنيويير عالدوار الأول!! يا سلام! هاظ جمبنا، كبس كميل على "attending" وسلخ status عالسريع "عامل إشي عالنيويير" وجر زميل من إيدو وطيار عالدوار الأول!
لقو العالم فوق بعض، ولبيل ما لقو صفّه ونزلو من السيارة وبلشو يركضو باتجاه الدوار الأول سمعو العد التنازلي، وفاعت الناس وصرنا بألفين وعشرة وهم بركضو ومش واصلين، بس مع ذلك، صارو ينطنطو وهم راكضين ويصفرو، وصلو الدوار الأول من هون كانت الناس بلشت ترجع عسياراتها من البرد، وكان كميل بطّلع بوجوه الناس كلها ومبسوط، "هابي نيو يير" "هابي نيو يير" "هابي نيو يير" بعدين وقّف فجأة وانلخم وتمسمر بأرضو: "ولك عبير؟؟!!"


العبرة يا إخوان، فكّونا من العرط الزايد، وروحو عجبل عمّان،الموضوع عن جد..
باي ذا ويه، شو عاملين عالنيويير؟
http://naserz.blogspot.com

15 comments:

MAroo said...

sa7e7 shu 3amleen ana walla 3amla kaset nescafeh o film mnazzal men el torrents :D:D a7la sahra sa7 .....lahala mesh fahem kol sna azfat men el tanya o e nas ma5daha jad el sha3'la o bttla3 o btdfa3 el ifoqha weli ta7tha 3ashan te3mel Party b taf5eem el ppppppppp :P

Unknown said...

hehehehehhehehehhhe thats freakin' funny hehehehhehe 7abbait o hommeh borkodo hehehheheheh

and about the new year ... msh 3aref es2al nidal ya bel bait ya gahwet menna o feena 3amleen 5asem 3al argeeleh aw faranca fa me7tar :P

Whisper said...

شوووو دوّار اول ما دوار اول
او لا لاااااااه
سوووهااااج

انا شخصيا عندي فاميلي هاوس بارتي :)
بوشار مع دحدح وشاي و 100 لفّه عالقنوات و بعديها بنحضر 2012 و بنكتئب و بنام
وهابي نيو يييييير :)

في احلى من هيك :)

بتخيل بابا لو احكيلو بااااي بابا بدي اقضي ليله راس السنه عالدوار الاول...هههههههههه
راح يحشش و يحكيلي جيبيلي السكر وانت جاي من المطبخ

NasEr said...

wow,I was expecting 2 to 3 comments on this long post MAX! looks like everybody has been thinking about their plans :D

Maroo
walek inte..mesh tabe3eyyeh sho innek motafa2eleh w fare7a :D next time u're in here lazem nshoofek face to face ,Enjoy el sahra :D

Yazid
sa7 t5ayyalet el laqta? :D ana bagool gahwet menna w feena :D

Whisper
lol@ سوهاجج lol :DDDDD ,7abbait "jeebo el sokkar men el matba5",tab jad why don't u take HIM and go all together?

ZiNc said...

7abbait!!!

la2 o kia el5amri kaman!!
bs esso2al elli be6ra7 nafso, feeha ree7et snoober?
LMFAO!

walla ya 5ook jad enno elga3deh beDHar a7san min ay Barty o aklet bard ma ba3da elBarty!

Anonymous said...

الخبر وصل للرصيفه والبقعه واحتمال كبير يتسرب للزرقا

للاحتياط البنت اللي بتخاف على حالها ما تروح لان شبابنا المحترم رح يكون كقطيع الذئاب عملا بمبدأ ان البنت اللي طالعه الساعه 12 بالليل مشان تحتفل براس السنه ما عندها اهل يسالو عنها وبالتالي هي فريسه سهله حتى لو كانت مع جوزها او اخوها وا حتى ابوها
باختصار يا حبايبي يا حلوين الاردن بلد مش فايع وعمرو ما رح يكون فايع فياريت ما نحاول نفيع الموضوع غصب عن الطبيعه بلاش تكون النتائج كارثيه

zuhair said...

))) awsome .. besara7a ana 7zenet 3ala 3abeer ).. nafsha te6la3 o etshoof eldenya ..ba3deen hala2 fe e7temal eno kameel o 3abeer yfe3o sawa ba3deeha ))
so what about you .. what u will do ?

SimSim said...

طيب بصير يكون النيويير الساعة 5 او 6 عشان اقدر آجي ؟ ههههه

جد زي ما حكت ويسبر بتخيل احكي لابوي يابا بدي احتفل براس السنة بالهواء الطلق ... كأنه السنوات الماضية كنت احتفل اصلا !! رد الفعل متوقع انه يكصلي خبري

مش انه اهلنا ما بخلونا نطلع ولا نروح ونيجي بس بالعقل والساعة 12 بالليل تخينة كتير .... بس المكان رائع لو كان ممكن اجي بتلاقوني في البيك هاوس باكل بان كيك
:D

اللي بروح ان شاء الله ينبسط بس بدنا صور .. اما احنا سهرتنا الاعتياديه عبارة عن اشياء زاكية وصوبة وبرامج التلفزيون المملة وهابي نيو يير (أي هوب)!؟

NasEr said...
This comment has been removed by the author.
NasEr said...

Zinc
LOL,la2 fesh feeha,testa'3eebesh sa7ebna w howweh fee belad el '3orbeh wala :d.

Anonymous
your comment is funny, but not entirely true I think,its getting better but I totally agree it wouldn't be my 1st choice for a family gathering

Zuzik
yabay sho 7anoon inta! ana tale3 3al shonzelezeh :D ma3 el shabab

Simsim
howeh lamma yseer 3ndek 3aileh la7alek betseere tsawwe taqaleedek el 5assa,barra aw jowwa,ana a7la new year's memories were from when all family friends gathered at someone's house at the time n had a big nice dinner and fun

Zeina said...

Hahahaha 7abbeit 3amel l ethara w al tashweeq :D
ya zalameh mish ma32oolin l 3alam sho be7ebbo l fakhfakha w l 7aki l fadi!
w kteer lazeez keef eno kil 7adan min l bilad l 3arabeye l shaqeeqa bas beddo yshoof 7alo bkoun jey 3 lebnan! Shi mo2sef, ash'had billah! lol
Mabda2eyyan, el leileh ana ga3deh asolef ma3 l waldeh!
ma3 eno ajmal sahra betkoun jam3a b shi beit, l akel bardo min l beit, mosee2a, sigara w arkeeleh w shwayyet habal! w la yetla3 l daw :D

Ashwaq Shaheen said...

Naser !! ya3ni sadda2et il ossa illa sha7ta !! 5ayalak wase3 ya a5i hahahahahaha

minni w 3alay I had a chinese dinner with my friends w rawa7et 3al beit..w 3am basma3 tawaqo3at al abraj :P 2aaaaal ya3ni r7 tifre2

HABBY new year

Unknown said...

heheeeeeeeeeeeeeeeehehehe
u made me laugh so hard LOLLL !!
Happy New Year ..
am spending it in the FARSHEh CLUB
lol
Wish Ya and Every One a Better Year
a NEW year latterly..

NasEr said...

Zena
everybody knows that Lebanon is the place for fun,u can't deny that ya3ne,that's why ppl always wanna go there.
sigara :( sigara is no more for Naser.very hard "morning" I'm havin i tell ya!!

Ashwaq Shaheen
lol tab walla 7elo,ya3ne howweh hay el ossa men wa7l el waqe3 :D
ahhh zakkarteene,fee 3nde post 3an tawaqqo3at el abraj ga3ed bestwe 3a nar hadyeh...

Farah B
Happy new year to u too, how was ur night?

Rula A. said...

يا الله زعلت انهم إيتأخروا وما كانو ساعة الصفر واقفين مع بقيت الناس وبعدو تنازلي.. بس كمستير مرتب لعبير هههههههههههههه

Post a Comment