Sep 9, 2008

يا نظال بؤلك شريت شوكلاته بس ما جبت ايس كريم ليش مش مسدجني يا زلمه؟؟


مر عليكم جمله زي هاي عالإنترنت من جبل ؟ أو سمعتها بالجامعه أو بأي مكان ثاني ؟

أنا لهلا نفسي أفهم عقدة اللهجات اللي عنا اياها ! يعني ما بتشوف بنت كاتبه أو بتحكي شوكلاطه؟ ! كلهم بصيروا "شوكلاته" - تاء مخففه كمان! و "ايس كريم" هاي! أي أنو فينا كان يحكي لأبو جيبلي معك أيس كريم و هو زغير؟ بجوز في بس بتوقعش النسبه العزمى بتحكي هيك !!

زمان بمدرسة الحكومة ... كانت إمو تكون داعية عليه اللي يغلط بالصف و بتفلت منو كلمة بالأه - الله يسهل عليك يا "محمد طائيه" كان ولد محترم و يا محلا..للصف السادس بس ! غلط و حكى لأستاز الرياضه "علاء أخدلي طائيتي" ! هو علاء كان مشكلجي ،بس هو ضل حدا سائل عن علاء و عن ملاء يومها ! للصف العاشر والناس بنادوا محمد طائيه ! أنا ولحسن الحظ ما انمسكتش ولا مرة ..بس إنو مش اجتني عقده نفسيه لا حكي فاضي !!! مرة أبوي كان مروح يم مع ترويحتي أنا و ولاد صفي والتقينا عباب العمارة..و أبوي وقف سلم علينا و عارفين الأهل :\ لازم يسألو عن الأسماء و كيف دراستكم و المحاضره المحرجه هاي !و إجيت بدي احكي كلمة كان لازم تبعا للكود أوف كوندكت تبع المدرسة و سمعتي الخاليه من الهمزه أحكيها بالجا ! بس شو بدي أضحك عأبوي يعني ؟ :\ الله لا يحط حدا بهالموقف ! المهم لجيت كلمة بديله أنقذت الموقف بس الموضوع لساتو في بالي !

كمان إشي بجلطني .. الشباب اللي بحكو من بيت أهلهم بالجا و مع البنات أو بالشغل بحولوا عالهمزه اللعينه ! لأ الألعن هم البنات اللي بحكو بالجا و بحولوا فجأه ! أخ ! لا ما بكون مبين ! أبدا أبدا ! مرة بنت جيرانا من زميييييين عبييس حكت لأختي " استني بس أسلئ شعري " ( أسلئ = أسلك ) 0

فالموضوع بمتد من الكبار للزغار ! و الموظوع مدايئني ! بدرب على عسبي ! طب شو السر ؟ ليش هيك إحنا ؟؟ لازم حدا مختص يدرس هالموضوع بالأردن ! مش مزبوط هيك .. أي انا استاذ التوجيهي تبع الكيميا عملي أزمة نفسيه لمدة شهر تقريبا من بعد ما داومنا..كييييف هالمحترم بحكي مع الطلاب بالأه ما كنتش فاهم !بالأخير حكيت هاد الزلمة مجنون فش فيها ! يعي للتوجيهي و أنا بشاور بحالي ..0
should i come out of the closet or not :/

أي و وجع يخلع نيع هيك مجتمع شو إنا منافقين و متخلفين !! ولا هي جايه عهاد الموضوع ؟؟ يا ريت كل البلاوي زي هالبلوه .

خلص شعبرت عن معابري . شؤرا لحسن الإستماع





14 comments:

Dozz said...

identity crisis...all over
but its late,im not sleeping,and i need sleep...i have one question though,might come off a bit personal...how does a jordanian end up in thailand,i mean,what for?

نورنياتي said...

mmmm
ymkn jozo2 mnna
kol al3alam hak
ma btshof jmA3T UK W IRlanda
w al2mrekan nfs alshi
had jozo2 mn alhawyh
mmm maktob 3alena
bs mn kol almodo3
ma bakrh 2la yli b3al2o 3ala al lahjat altanyh
mn k la g la 2
yooooh 63h w gaymh
2w kaymh
2w 2aymh
whatever
22al ma feha neki 3araboo
3araboooo

NasEr said...

hey dozz :D
i ended up in Thailand due to an unfortunate event ,"read "Honoring my father" 3 posts" ,and then i stayed here tryin to make a living !

thx for reading .

NasEr said...

Hey نورنياتي ,welcome to my blog ,
i have no idea about such thing happening in the states ! maybe :)
bas 3ala 2oltek,el mohem 3arabe :d

thx for passing by .

Anonymous said...

I am?
(in the words of the great late Darwish) I am not mine!

NasEr said...

Thx for passing by Iman :)

Anonymous said...

You know something... I had that same problem until I discovered that I talk in my grandparent's tongue. And ever since, I was never shy to talk bil "2" mish el K wala el G. This is something I'm proud of and I will continue to talk this way!

Bas ya 7abeebi law tshoof my brother in law.. Bigollak kul el dinya bil ga!

NasEr said...

LOL Qwaider :DDDDDDD send your brother in law to Palestine, a one week tour around would convince him its not all Gal w golna :D

Moh'd Jarrar. said...

مني وعلي بحكي حرف ال ق
بقلع قلع معي
ولا بسأل عن اللي حوالي , هيك انا بحكي ومش مستعد اتنازل عشان اللي قدامي ذانه ما توجعه

بس في شوية تنازلات لما احكي مع خطيبتي
:shy:

موضوع رائع وفعلا بيدرب عالعسب
:shy:

NasEr said...

LOOOOOOOOOOOOOOOOOOOOL Lunar :DDDDDDDD
thx man u made me laugh :D
ana had elle nefse afhamo,laish bet'3ayyer 7akyak ma3 5ateebtak :p its weird I'd really like to read professional study on it .

Moh'd Jarrar. said...

يعني
.
مهو
.
انت لو
.
ما في سبب مقنع الصراحة
بس اللهم انه عشان نبرة الصوت بتكون اخف من ما احكي مع حدا ثاني
فا يعني
.
وصلت؟
:shy:

NasEr said...

weslat ya 7anoon :ch: :ch:

sharar said...

kol wa7ad elo lajeh '7asah bas fe nas betkalaf bel7akeee o ana mosh mosta3ed a'3eeer lahjtee 3lashan ele ba7kee ma3ah ma yenze3ej o ye7keee 3anee clasic

NasEr said...

a7la Loai,haik beddy eyak :D

Post a Comment